Desde Berro Seco facemos un chamamento á participación na mobilización de Ferrol, que será o dia 16 ás 13:00 h na Praza Vella, diante do arsenal, así como nos actos que o movemento antiotan de Galiza poida organizar no futuro.
A Coordinadora estatal
contra a OTAN, CECOB, lanzou unha campaña
de mobilizacións arredor do dia 12 de marzo, aniversario do falso
referendo de 1986, e tendo en conta a complicada
situación en que os gobernos dos países occidentais nos están metendo.
Na nosa terra todos os movementos anti-otan convocan diferentes mobilizacións para estas datas centradas na reivindicación da paz, na oposición ás guerras e na denuncia do gasto militar en detrimento dos servizos sociais públicos. Estas mobilizacións foron a nivel local o pasado dia 12, nas que Berro Seco participou, e unha nacional que será o próximo domingo dia 16 en Ferrol.
As mobilizacións son contra a situación de conflito e guerra colonial ca que occidente tenta someter a todo o mundo alí onde corre o risco de perder o control sobre os países, e polo tanto sobre as súas riquezas: Ucraína, Asia Occidental, o Sahel, ...
A UE está a perseguir o enfrontamento armado obstinadamente e non lle importa nin o diñeiro nin as vidas humanas que isto coste (mocidade traballadora), para conseguir os seus obxectivos. Queren revitalizar a industria armamentística e elevar os orzamentos para a guerra de 2 ao 5 % do PIB, unha verdadeira animalada que irá á costa do gasto social en cousas coma sanidade, educación, dependencia, pensións, etc.
Ningún comentario:
Publicar un comentario